رمضان جانا
شايفة نور مالى الكون
شايفة طالة من العيون
والسما مليانة بنور النجوم
والقلوب خالية من كل الهموم
عمرانة بحب الخالق الرحيم
فرحانة بقدوم الشهر الكريم
اللى ذكره ربنا فى كتابه الكريم
كل سنة وأنتم بخير وطيبين
وتقضوا الشهر راضيين مبسوطين
حامدين لنعمة ربنا وشاكرين
ويقبل ربنا منكم عبادته أمين
ياريت كل شهور السنة ذيه مبروكين
عيده علينا يارب بخير
أحنا وجميع المؤمنين
وقوينا على الطاعة والعبادة راضيين
وأنت يامسحراتى ليلاتى
صوتك بيرن فى ودانى
ماهو رمضان رجع تانى
صوت الطبلة وأحلى الأغانى
والأدعية والأناشيد والتهاني
بعودة ليالى رمضان من تانى
أصحى يامحمد يامصطفى ياأميرة
ياشريف يافيروز ياأمانى
عشان نتسحر كلنا ونتلم من تانى
رجعتنا بصوتك وطبلتك للماضى
لما كنا صغيرين وعليك بنادى
ونفرح بطلتك وطبلتك والأغانى
أصحى يانايم وأنت يانايمة أذكروا الهادى
كلوا وأشربوا وأذكروا العاطى
كل سنة وأنت طيب يامسحراتى
ونفضل كل سنة نستناك
ونقولك وحشتنا من رمضان الماضى
الكاتبة مها مصطفى شلتوت