"غربال الدنيا"
بقلم : أسماء خوجة
وفيق وعيق يا ساكن دار غفلون
الخاوة والصحبة راه بدلات اللون
ويلا نتا باقي مقلوبة عليك القفة
أجي نفتحو خوابي ذاك السر المدفون
ڨالونا الخاوة حدها الدنيا وتتقادى
الدم ولرحام علقلة فزمانا تتعادى
الدنيا خايضة فجيه وحق الدم فكفة
قالو زمان :خوك خوك لا يغرر بيك لغريب
اليوم خوك يبيعك والبراني يدي العيب
دفنوا الثقة وذاعوا يغنيوا عليها
خاوي الكلب فضل حيث بنادم ولى ذيب
شحال من قلب تقسح وتذر من احبابو
ݣاع ماعقلو نهار كانو يدقو على بابو
عطاهوم بالنية وعمرو كان بخيل
عطاوه بلا رحمة ومادارو بحسابو.......
راه اللي خان مرة فغربال الدنيا يبان
واللي صان العشرة ،
يبقى عبرة للزمان
أو مادايم غير المعقول
ولقلوب الصافية ومعدن كل انسان
تعلمو تربطو جراحكوم بالسكات
أوماتبقاوش واحلين فاللي فات
نساو الهم ولاتنساو ماعلمكوم
راه لغدر ..درس ماشي نقمة تدوم
وشوفو لقدام ايلا بغيتو الحياة.