،،،الحب مش كلام،،،،
الحب مش كلام
ده إلتقى روح بروح
نظرة عيون بتتكلم
بمكنون القلب
الحب مش كلام
ده إحساس من
جوه القلب بيعلم
كلمة حب على اللسان بتمر
بتحكي عن قصة عشق
ابتدت بنظرة عين
وسلام بالأيد بيسلم
لمسة همسة
وشوشه بصوت واطي
قلب بيرفرف لما
أجيب سيرتك
شمس تشرق
لما أحكي عنك
لما تيجي جنبي
نسمة لطيفة
تداعب شعري
اسمع كلامك
قبل ما يتقال
حتى السكات
احس فيه بنفسك
أجري على حضنك
أدارى من الأيام
أداري خوفي جوه قلبك
وجودك جنبي بينور
سنين عمري
فجر حبك
بيطرح سنابل خضر
أجمل أيام عمري
عيونك بتحكي قصة حبي
أسمع صوتك لما يندهلي
أجري أترمي في حضنك
الحب معاك مش كلام
ده إحساس بيتنفس غرام
جوه قلبي
ياسلام لما العمر بيعدي
بحس بحبك بنور
طريق دربي
بنور عشق
في السماء بضوى
زي النجوم بين السحاب تجري
ممكن الأيام تخدك مني
والسكوت يلف حواليا
لكن صوتك جوايا
بينده لي بحبك
بحبك يا أجمل
قصة حب عشتها في عمري
مهما حصل بنا
وفرقتنا الأيام
هتفضل انت جوايا
تقولي،،
الحب مش كلام
وأحلام بتجري
الحب ده أوقات وذكرى
جميلة جوه دمي
الحب مش كلام
لا ده دفا وحنان
وحب مهما السنين جريت
هيفضل حبك جوه قلبي
بقلم عبير جلال
الأسكندرية
8/12/25