راني جراب ♕♕♕
بقلمي أنا الشاعره والأديبة وسفيرة السلام الجزائرية عقلية بلقاسم بعبوش 🇩🇿
راني جراب منيش طلاب
اهموم الدنيا هي ألّي قرّاتني
يا ما عدّيت من لمحان ولصعاب
شاب الراس والدمعه اعماتني
الزمان اصعيب وغلاب
من كيسان المر ياما شرّبني
قد ما اتعيش يا ما اتشوف
والضربه الي ما ڨتلتني قواتني
ما اخدعت ما أذيت حد
منيش انفوخ وجهي يبيّن شخصيتي
هكذا اتربيت واكبرت
منقدرش انبدل اطبيعتي
ألي في قلبي على الساني
انقول الصح والا وعدت
نوفي ولو على رقبتي
مليحه مع الناس الكل
قلبي صافي جربني
تعرف اطبيعتي
الدنيا ازهر واحظوظ
ديما عاكستني وكاسرتني
واشحال من مره عافرتني
طول عمري انحارب
الليل مع انهار الرب حاميني
درت واجبي وبيّنت العبر
لجميع الناس ما خليتهمش حڨروني
بصح اليوم راني كيما الطير المذبوح
وتكسروا جنحاني
القيت روحي وحدي نبكي وانوح
دمي سايح نتألم ونبكي دخلاني
دڨوني بماس ماضيه
ما شفيتهم ما رحموني
لوكان جاتني من البراني
انفوتها عادي والله ما يهمني
الضربة جاتني من ضي اعياني
ألّي افنيت عمري على جالهم
ما خممت ولايوم يجي انهار
يبيعوني
يا دنيا ما فيك لمان
درت فيك النيه وغدرتيني
ما ظنيت هكذا يصرالي
مااقريت لازمان اعقوبه
ذرك فات الحال
واجرى ألي اجرالي
جات الطوبه فالمعطوبه
ما ادريت الوقت عليه يدور
مااقريت احسابي
كون اضبطت جميع الأمور
درت يا زمان فيك لمان
اكسرتني وهزمتني
اقريت منك واقرايتك محال
ما تتمحى من لذهان
على واش قسيت وعدّيت
من اشقى ولمحان
ألّي ما يتألم عمره ولا يتعلم
هاذي قالوها ناس ازمان
راني جراب منيش طلاب
من هموم الدنيا حفظت اقرايتي
الا حاب تتعلّم سوّل مجرب
تلقى حياته كلّها حكمه وتجارب
قرايته عمرها ولا اتخيب
سوّل مجرب وما اتسولش اطبيب
راني جراب منيش طلاب
ومن اهموم الدنيا اكسبت اقرايتي
في احياتي جربت كلّ إنسان
كل واحد زادلي افهامتي
وليت انميز بين لمىيح ولقبيح
اعرفت وين ودّرتني اجياحتي
مول النيه راحت مع اصحاب النية
كون افطين هاذي ليك وصايتي
كون ذيب وسط الذيابه
وخوذ العبره من قصتي
كون جراب ماتكونش طلاب
واقرى كيما اقرايتي