حكاية قلب
شعر/احمد عبد الرازق الزعويلي
عضو اتحاد الشعراء والأدباء بمصر وعضو الاتحاد الدولي للشعراء والأدباء العرب رقم 473
ويفوت الالم علي قلبي
يفتحله الف باب حزين
وتموت الدمعة علي خدي
يحيا بيها الف صوت سجين
وتنطفي الشمعة اللي كانت
نارها تحرقني ويا السنين
ونعيش العمر بندور علي حالنا
تتربع الاه فوق خطاوينا
ما دام العمر باقي فينا
يمكن نلاقي قلوب تداوينا
يا بسمة فينك وفين اراضيكي
مشتاقلك يوم حنين تزورينا
فرشنا لك انين العمر
ولسه بتدبح القسوة أمانينا
جمعنالك غلاوة القلب
ونرسلك شوقنا وتهانينا
يا بسمة زورينا وكفاية
مبقاش ف القلب فرحة تواسينا
يا صوت الالم كلك ندم
وشوك ونار دمر مراسينا
ونلف بلاد وننسي كلام
عشنا بوهمه سنين تلاقينا
ونشتري الوهم بتعب السنين
ونبيع قلوب دقت كتير لينا
يا نور الفجر بعنا الغدر
وقلوب علي بابنا تنادينا
نفتح الباب للاحباب ولا....
هنشرب وكأس المر من تاني يروينا
نبكي الشباب والقلب اللي دأب
ولسه بنحلم ببكره يرضينا
يا عمر فات خد وهات
متخدش منا احلي ما فينا
قلب دهب وصوت ربابة
وبشر وحوش في دنيا غابة
مسكين يا قلبي مالك شبيه
بتعشق بجد قلبك سفينة
فيها الفجر والعتمة فيها الغدر
والاسوة وملهاش مينا
وندور نلف بلاد وبنرجع
بنفس الطعنة وليلها يعزينا
قالولي قلبك من نوع فريد
مالوش في الطب وجود
وقلت هفضل شاعر حالم
وصابر .فؤادي بالألم موعود
أحمد عبد الرازق الزعويلي
كاتب وشاعر
مصر الاسكندرية
الجمعة 5يناير2023